Aktorja e njohur Emma Stone ka nxjerrë në shitje rezidencën e saj në Los Angeles me një vlerë rreth 4 milionë dollarë. Shtëpia prej 3276 metrash katrorë në zonën Comstock Hills të lagjes Westwood të LA përmban katër dhoma gjumi dhe katër banjo të plota. E ndërtuar në vitin 1926, shtëpia e stilit spanjoll u rinovua së fundmi, duke përfshirë një kuzhinë më bashkëkohore me dritë natyrale dhe jo vetëm…
![](https://www.topalbaniaradio.com/v7/wp-content/uploads/2024/01/Emma-Stone-LA-Home-Publicity-H-2024_hd.jpg)
Kuzhina të çon në një zonë të vogël ndenjëse dhe një oborr spanjol gjigand. Shtëpia e saj përfshin një banjë me letër-muri të gjelbër të çelur dhe një vaskë shumë të bukur. Për më tepër, prona përmban një shtëpi pritjeje me një dhomë ndenjeje, kuzhinë, dhomë gjumi dhe zonë lavanderie.
![](https://www.topalbaniaradio.com/v7/wp-content/uploads/2024/01/79978837-0-image-a-2_1705187231359_hd.jpg)
Aktorja 35-vjeçare përdori shtëpinë gjatë vizitave të saj në Los Anxhelos dhe lista përfshin gjithashtu edhe një krevat fëmijësh në një dhomë të katit të dytë, me gjasë për vajzën e saj 2-vjeçare, Louise Jean. Aktorja ende zotëron rezidenca në Austin, Teksas dhe New York City, ndërsa vitin e kaluar ajo shiti një shtëpi tjetër në Malibu për pak më shumë se 4.4 milionë dollarë.
Stone siguroi çmimin e aktores më të mirë në Critics Choice Awards 2024 për rolin e saj në “Poor Things”. Kjo fitore pason fitoren e saj në Golden Globe për të njëjtën performancë vetëm një javë më parë, duke shënuar një tjetër vlerësim të rëndësishëm për aktoren fituese të Oscar-it gjatë këtij sezoni të ndarjes së çmimeve të rëndësishme.