Batanijet e rënda janë bërë të njohura nga të rriturit që vuajnë nga pagjumësia ose ankthi, të cilët thonë se presioni ngushëllues i produktit e bën gjumin më të lehtë. Kohët e fundit këto batanije kanë dalë në treg edhe për foshnjat. Kjo po ngre alarmin midis pediatrëve dhe shumë ekspertëve, të cilët thonë se këto produkte po shiten pa standarde sigurie dhe nuk ka aspak prova se ato janë të sigurta.
Në qershor 2023, Akademia Amerikane e Pediatrisë tha në një letër drejtuar Komisionit të Sigurisë së Produkteve të Konsumatorit se këto produkte të rënda nuk duhet të përdoren kurrë për foshnjat. Rachel Moon, një profesore e pediatrisë në Universitetin e Virxhinias në Charlottesville dhe kryetare e grupit të punës të AAP për sindromën e vdekjes së papritur të foshnjave ta se:
Njerëzit supozojnë se nëse diçka është në treg, dikush e ka konsideruar të sigurt por nuk është kështu në Shtetet e Bashkuara.
Ndërkaq, rikujtojmë se vdekja e të paktën 10 foshnjave është lidhur me një jastëk popullor për të sapolindurit. Më shumë se 3.3 milionë Boppy Loungers u tërhoqën pas raportimeve të të rinjve që rrotulloheshin dhe mbyteshin prej tyre. Jastëkët e mbushur u tërhoqën nga tregu në shtator 2021 pasi u shoqëruan me tetë vdekje, të cilat ndodhën nga dhjetori 2015 deri në qershor 2020.
Por dy të tjera janë regjistruar që atëherë, tha Komisioni i Sigurisë së Produkteve të Konsumatorit në SHBA. Një foshnjë vdiq nga asfiksia pozicionale në tetor 2021 pasi u vendos në shezlong dhe më pas u rrotullua poshtë një jastëku të rritur aty pranë. I dyti ndërroi jetë një muaj më vonë teksa flinte në jastëk në një shtrat të përmasave të të rriturve.
