Mëngjesi konsiderohet vakti më i rëndësishëm i ditës, pasi aktivizon metabolizmin dhe siguron energjinë e nevojshme për të kryer detyrat. Një studim i fundit i botuar në “Nature Communications” arriti në përfundimin se koha kur hani vaktet tuaja, veçanërisht mëngjesin dhe darkën, ndikon ndjeshëm në shëndetin tuaj kardiovaskular.
Për sa i përket mëngjesit konkretisht, studiuesit nga Inrae, Inserm, Universite Sorbonne Paris Nord dhe Instituti i Shëndetit Global në Barcelonë zbuluan se ngrënia herët në mëngjes mbron shëndetin e zemrës, ndërsa për çdo orë që ne vonojmë të përfundojmë vaktin e parë të ditës, rreziku për shëndetin kardiovaskular rritet me 6%. Ndërkaq, studiuesit thanë se:
Ne i këshillojmë njerëzit të hanë mëngjesin e tyre në 8, për të siguruar një zemër të fortë.
Një mëngjes cilësor luan një rol kyç në ruajtjen e shëndetit dhe zgjedhja e ushqimit me një GI të ulët mund të kontribuojë në mirëqenien afatgjatë të trupit, sipas Dr.Ludvig. Hulumtimi i profesorit në Harvard, pajtohet me mendimin se mëngjesi është vakti më i rëndësishëm, sepse siguron energji për tërë ditën. Përveç kësaj, zgjedhja e duhur e ushqimeve mund të ketë efekte të dobishme afatgjata në shëndetin fizik dhe mendor.
Çfarë nuk rekomandohet për t’u dhënë fëmijëve për mëngjes? Bëhet fjalë edhe për qull tërshëre. Në fakt, ky ekspert shpjegon se mund të ketë më pak proteina në krahasim me ushqimet e tjera kryesore, gjithashtu mund të jetë i vështirë për sistemin tretës te fëmijët, gjë që mund të ndikojë në rritjen e duhur dhe një ndjenjë të shtuar të urisë. Përveç tij, gjithnjë e më shumë shkencëtarët dhe mjekët vënë në dukje kundërefektet e kësaj pjate.
