I ftuar në “Dilema Sociale”, autori dhe moderatori i “E Diell” ka folur për mënyrën se si bëhej televizion dikur dhe sot. Jo pak është kritikuar se në programin e tij, ai reklamon personazhe të cilët nuk përçojnë kulturë dhe nuk janë njerëz të artit dhe kulturës.
Edi Manushi u shpreh se nuk ka qenë gjithmonë në dëshirën e tij të reklamonte disa personazhe apo situata, por kjo është ajo që kërkon audienca sot.
Dikur televizionin e bënin njerëz të artit, profesora për të përçuar një mesazh avantgard, me kalimin e kohës nuk shkojnë këto figura, nuk janë më popullore. Tani televizioni bëhet për shtresën e mesme dhe të ulët. Më është dashur të bëj kompromise. Në të tjera kushte nuk do të reklamoja ato personazhe.
