“Zanati” i somelierit, ose degustatorit të verës, tashmë mund të zëvendësohet nga një robot, i saktë 100%. Ekspertët nga Universiteti i Bordosë deklarojnë se inteligjenca artificiale është e aftë të dallojë profilet kimike të verës në mënyrë absolute. Gjatë testimeve, Inteligjenca Artificiale arriti të identifikojë origjinën, vjetërsinë apo varietetet e ndryshme të rrushit pa gabimin më të vogël. Kërkuesit tashmë po planifikojnë të bëjnë një garë me somelierët njerëzore për të parë dallimet mes tyre.
![](https://i.dailymail.co.uk/1s/2023/12/05/13/78597957-0-image-a-74_1701784782471.jpg)
Ndërkaq, netët janë të gjata dhe moti është i ftohtë, që do të thotë se zyrtarisht jemi në sezonin e verës së kuqe. Por për shumë persona konsumimi i verës mund të shkaktojë dhe dhimbje koke. Shumë njerëz dhe shkencëtarë, e kanë ditur që pas verës, ndoshta dhe pas 30 minutash, fillon një dhimbje koke, por së fundmi kanë zbuluar arsyen pse.
![](https://d2cbg94ubxgsnp.cloudfront.net/Pictures/2000xAny/6/7/4/530674_shutterstock_1658461408_487138_crop.jpg)
Studiuesit nga Universiteti i Kalifornisë, Davis, kanë zbuluar se një flavanol, ose lëndë ushqyese, e gjetur në verën e kuqe ndalon trupin të përpunojë siç duhet alkoolin. Ironikisht flavanoli në fjalë, quercetin, konsiderohet një antioksidant i mirë, madje është i disponueshëm si një shtesë shëndetësore. Por kur përpunohet ose metabolizohet me alkool, ai kthehet në një të keqe.