Arritjet e Max Verstappen në pistë përkthehen në sukses të konsiderueshëm financiar jashtë saj. Kampioni në fuqi i F1, arriti të siguronte një vlerë prej 110 milionë dollarësh pas performancës së tij mjaft të shkëlqyer në sezonin e vitit 2023, duke fituar rreth 86% të garave. Me shpërblimet dhe kontratat e përfshira, vlera neto e pasurisë së Verstappen u rrit në afërsisht 165.5 milionë dollarë. Sipas Forbes, vetëm kontrata e tij vjetore me Red Bull arrin në 43 milionë dollarë. Por, pavarësisht nga pasuria e madhe e Verstappen, ai nuk është piloti më i pasur i F1 në histori.
Forbes vlerëson të ardhurat e tij në vitin 2023, duke përfshirë pagën dhe shpërblimet, në 70 milionë dollarë, duke forcuar statusin e tij si piloti aktual më i pasur i F1 për të dytin vit radhazi. Me një vlerë neto të vlerësuar prej 90 milionë dollarësh, dominimi i Verstappen shtrihet përtej pistës së garave.
Lewis Hamilton, një pilot gjithashtu fenomen mund të mos mbajë titullin e pilotit më të pasur aktual të Formula 1, por vlera marramendëse e pasurisë së tij është e pamohueshme. Me rreth 55 milionë dollarë të fituara në pistë në vitin 2023 dhe një vlerë neto prej 285 milionë dollarësh, trashëgimia dhe pasuria e Hamiltonit në sport tejkalon gjithçka, pra është më shumë se një fitore. Shtatë kampionate botërore dhe marrëveshje të shumta e kanë çuar Hamiltonin në një nivel mjaft të lartë sa i përket vlerës së pasurisë.
#MaxVerstappen #Formula1 #RedBull
Did you know what is the net worth of Max Verstappen?https://t.co/V5bMu2tXR0
— Times Now Sports (@timesnowsports) February 11, 2024
Duke marrë parasysh të gjithë vlerën e pasurisë së Max Verstappen, fituesi i kampionatit të Formula 1 për vitin 2023 nuk është çuditërisht piloti më i pasur. Michael Schumacher, një pilot përcaktues i epokës për shumë adhurues të motorsportit, kampioni shtatë herë i F1 u emërua atleti më i paguar nga Forbes në 1999 dhe 2000 dhe madje u parashikua të ishte atleti i parë miliarder në 2005.
Në vitin 2017, ai u emërua si atleti i pestë i të gjitha kohërave për sa i përket fitimeve në karrierë, por Michael nuk është parë publikisht që nga aksidenti i tij në ski që i ndryshoi jetën në 2013. Gjermani ishte i njohur për donacionet e tij bamirëse, duke përfshirë një donacion prej 39.5 milionë dollarësh për UNESCO-n gjatë pesë viteve të fundit të garës.
