Ora e dorës që bëri që Arnold Schwarzenegger të ndalohej në aeroportin e Mynihut të mërkurën u shit për 270,000 euro (294,000 dollarë) në ankandin Schwarzenegger Climate Initiative në Austri. Në këtë ankand u mblodhën 1.31 milion € në total dhe u ndoq nga i dërguari i SHBA-së për Klimën, John Kerry, së bashku me shumë vizionarë të tjerë të veprimit klimatik. Pjesët e artit dhe bizhuteritë unike u nxorën gjithashtu në ankand.
Në lidhje me këtë situatë Schwarzenegger u shpreh se:
Në mes të luftës së vazhdueshme kundër ndotjes, jam dëshmitar edhe i progresit që është arritur. Kemi bërë një rrugë të gjatë. Sot, kaq shumë njerëz janë këtu për të qenë pjesë e zgjidhjes. Shpreh mirënjohjen time për të gjithë ata që i janë bashkuar luftës sime kundër ndotjes.
Schwarzenegger po përballet me procedura penale tatimore për mosdeklarimin e orës Audemars Piguet tek oficerët e doganës në Mynih, pasi ai doli nga një fluturim nga Los Angeles, tha një zyrtar i shtypit i Doganës së Mynihut për CNN të mërkurën. Zyrtari i shtypit Thomas Meister bëri me dije se:
Ai nuk ka deklaruar një produkt. Një produkt që u importua nga vende jo anëtare të BE-së për të mbetur në BE. Dhe ky proces vlen për të gjithë.
Meister tha se ish-guvernatori i Kalifornisë dhe ylli i “Terminator” u lirua pasi u mbajt për më shumë se dy orë. Aktori pranoi të paguante paraprakisht taksat e mundshme për orën.
