Ardit Cuni ka sjellë projektin e tij më të ri dhe le të themi që ishte një suprizë për të gjithë. Me një melodi mjaft ritmike që na rikujton se temperaturat po ngrihen dhe së shpejti vjen sezoni veror, kjo këngë me shumë siguri do të jetë himn në çdo cep gjatë verës. Ajo që e bën edhe më shumë tërheqëse është se ai e ka sjellë këngën së bashku me një videoklip, ku shihet duke kërcyer me partneren e tij të “Dancing With The Stars Albania”.
Menaxherë e bashkëpunuesit e Nita Latifit kanë publikuar këngën e realizuar nga ajo titulluar “As anej as knej”, ku edhe pse këngëtarja është pjesë e shtëpisë më të famshme në Shqipëri “BBV”, projekti ka arritur të pëlqehet shumë nga dëgjuesit. Edhe Xhesika Polo vjen këtë javë me “Humba Veten”, me mesazh mjaft të fuqishëm, ku e ftuar në një intervistë për TAR është shprehur se gjatë një periudhe është ndjerë e trishtuar dhe mjaft e humbur.
Kejsi Tola është padyshim një nga këngëtaret me zërin më të mirë dhe njihet për këngët e saj shumë të bukura të dashurisë. Albumi më i ri këngëtares Kejsi Tola “Luminous” u promovua me një koncert inovator mes miqsh dhe personalitetesh të medias dhe muzikës. Ajo vjen në listën e “Albanian’s Hot Top 30” me këngën “What You Want”. Për ta dëgjuar edhe më shumë rreth koncertit, ai do të më 23 prill në Top Channel dhe Top Albania Radio në orën 20:00.
Powered by The Top List © / Top Awards ©