Dy reperët më të mirënjohur të tregut tonë muzikor, Mc Kresha dhe Lyrical Son, kanë bashkuar forcat sërish për të sjellë një album të ri, i cili titullohet “Muzikë me Qalldis'”. Albumi i tyre përmban projekte mjaft të pëlqyera për publikun dhe bashkëpunime me emrat më të suksesshëm në industri. Këtë javë, ata bëhen pjesë e listës me këngën e tyre “Jerëm”.
Getinjo është një artist i njohur për publikun. Këtë javë, ai bëhet pjesë e “Albanian’s Hot Top 30” me projektin e tij më të fundit, “Sa ftyra”. Ky projekt vjen me mesazhe të forta, të cilat artisti ia kushton njerëzve me shumë fytyra. Gjithashtu, Just X dhe Tironci kanë sjellur këngën “Jeta ime”. Projekti vjen si dedikim për dashurinë dhe me nota mjaft romantike.
Artistja Janex ka sjellë këngën e saj më të re, e cila titullohet “Loveless”. Momentalisht, ajo ka zgjedhur publikimin e projektit me versionin teskt, ku këngëtarja ka vendosur të këndojë në gjuhën angleze. Edhe Dhurata Dora ka zgjedhur të sjellë një projekt në një gjuhë të huaj, atë gjermane. Projekti i saj titullohet “Sonne” dhe vjen këtë javë si pjesë e listës sonë.
Powered by The Top List © / Top Awards ©
