E nisim javën me një emër të ri për këtë listë. E kemi fjalën për Gigliola Haveriku e cila ka sjellë këngën e saj “A po vjen ti sot”, që duhet thënë se bëri shumë bujë dhe pasi doli lajmi i ndarjes së saj me Amos Zaharia… Por, sa i është përshtatur në këtë pjesë ky projekt?
Numen pas suksesit të dy viteve më parë me “I ke harru”, tashmë vjen me vazhdimin e këtij projekti. Se cili ju qendron më mirë, këtë zgjidheni vetë. Një nga këngët që është kthyer tashmë në një hit, është bashkëpunimi që goditi në shenjë mes Elgit Dodës dhe Xhensilës në “A e din”.
Alban Skënderaj ka qenë mjaft aktiv kohët e fundit pasi po sjell herë pas here projekte të reja. Pas “Ndalma” me Lyrical Son dhe “Isabel”, ai tashmë vjen me një tjetër këngë romantike, “Dalëngadalë”. Një këngë frymëzuar nga muza e tij, Miriami. Gjithashtu tashmë erdhi dhe projekti i shumëpritur i Semi Jaupaj, “Ani”…
Powered by The Top List © / Top Awards ©