Një tjetër ‘dashuri me dëgjim të parë’ nga Harry Styles. Artisti sjell në këtë playlist “Daylight”, projektin e tij më të ri. Një tjetër perlë i shtohet repertorit të tij. Madje, nëse nuk është shumë stili juaj, hidhuni tek “Matilda”. Zgjidheni vetë të preferuarën tuaj.
Gjithashtu për të gjithë adhuruesit e muzikës italiane, lajmi që do t’ju themi tani patjetër që do t’ju pëlqejë. Giusy Ferreri vjen me një projekt të ri të titulluar “Cuore Sparso”. Nuk gabuam në përzgjedhje, apo jo?
Katër vite pas suksesit të këngës “One Kiss”, Calvin Harris dhe Dua Lipa bëhen sërish bashkë për të sjellë te publiku një bashkëpunim të ri. “Potion” do të jetë padyshim himn i kësaj vere.
Eminem, artisti i pavdekshëm vjen tek ne me “”Jimmy, Brian & Mike”. Duket se do të na shoqërojë përherë me të tilla hite që nuk do të zbehen kurrë…