Sipas një tradite të çuditshme në Danimarkë, të rinjtë që mbushin 25-vjeç dhe janë ende të pamartuar duhet të mbulohen me kanellë nga familja dhe miqtë. Tradita mund të datojë qindra vjet më parë, kur shitësit e erëzave udhëtonin shumë, ndaj dhe mbeteshin beqarë sepse ata kurrë nuk qëndronin mjaftueshëm në një vend.
![](https://images.news18.com/ibnlive/uploads/2022/05/untitled-design-28-4-16534571404x3.png)
Shumë nga këta shitës nuk gjetën kurrë një partnere dhe u quajtën Pebersvends, që do të thotë burrat-piper. Një grua beqare quhet ndërkohë “Pebermø”, apo “zonja me piper”. Për këtë arsye, kur vendasit mbushin 30-vjeç dhe mbeten të pamartuar, kanella zëvendësohet nga piperi. Para se të mbulohen me kanellë, të rinjtë lidhen me një shtyllë nga miqtë e tyre dhe nuk largohen prej aty derisa i pamartuari të mbulohet plotësisht me kanellë.
![](https://memestatic.fjcdn.com/pictures/For_07b234_6479581.jpg)
Tradita u bë e njohur mes popujve të tjerë falë fotove virale në internet dhe së fundmi, një përdoruese e TikTok e solli sërish këtë zakon në vëmendjen e përdoruesve të internetit, duke mbledhur mbi 1 milion pëlqime në klipin e saj. Sigurisht, kjo traditë është thjesht një mënyrë argëtuese për të qeshur me miqtë, pasi askush nuk gjykohet në ditët e sotme nëse nuk martohen të rinj. Aktualisht, shumica e danezëve martohen mes moshës 32-34 vjeç.