Administrata Rrugore Daneze po punon me Volvo Cars për të mundësuar në kohë reale paralajmërimet e aksidenteve të trafikut dhe aksidenteve direkt në sistemin e informacionit. Kjo nismë revolucionare quhet Accident Alert dhe bazohet në standardin evropian të të dhënave dhe shënon një përparim të rëndësishëm në teknologjinë e sigurisë rrugore. Nëpërmjet këtij partneriteti, automjetet Volvo deri në tetë vjeç do të marrin paralajmërime të menjëhershme për aksidentet e trafikut që kanë ndodhur aty pranë.
Qasja proaktive e Volvo po zgjerohet përtej Danimarkës, me plane për të zbatuar paralajmërimet e trafikut në vende të tjera evropiane. Automjetet e prodhimit suedez të regjistruara jashtë vendit që udhëtojnë për në Danimarkë do të marrin automatikisht paralajmërime daneze. Autoriteti Rrugor Danez synon të zgjerojë bashkëpunimin me prodhues të tjerë makinash, duke inkurajuar përpjekjet e përbashkëta për të rritur sigurinë rrugore në të gjithë Evropën.
229 të plagosur e të vrarë në rrugët shqiptare vetëm në janar të këtij viti. Krahasuar me janarin 2023, rezulton se aksidentet rrugore janë dyfishuar nga 84 në 162. Si shkak kryesor, veçohet sjellja e drejtuesve të mjeteve, pjesa më e madhe e të cilëve bëjnë pjesë në grupmoshën nga 25 në 34 vjeç. Eksperti Arben Luzi shprehet:
25-35 vjeç është grupmosha e cila rrit vetëbesimin në drejtimin e mjetit, i duket vetja më e aftë, e merr më me lehtësi. Pastaj është edhe mosha që ka të tjera veprime siç është përdorimi i pijeve alkoolike apo i të tjera substancave të jashtëligjshme dhe që rrisin riskun për aksidente rrugore.
Por, krahas sjelljes së drejtuesve të mjeteve, ndër shkaktarët e aksidenteve rrugore, eksperti Luzi liston edhe sinjalistikën rrugore, për të cilën thotë se “ka nevojë për përmirësim”.
