Amsterdami ka marrë vendimin për të ndaluar ndërtimin e hoteleve, si pjesë e luftës kundër turizmit masiv, sipas një deklarate të qeverisë lokale. “Ne duam që qyteti të jetë një vend i mirë si për banorët dhe vizitorët. Kjo do të thotë jo turizëm masiv, jo hotele të reja”,-thuhet në deklaratë. Një hotel i ri në Amsterdam mund të ndërtohet vetëm nëse mbyllet një hotel tjetër, nëse nuk rritet numri i dhomave.
Megjithatë, rregulli nuk zbatohet për hotelet e reja që kanë tashmë një licencë. Amsterdam po përpiqet në mënyrë aktive të kufizojë numrin e turistëve, të cilët numërohen në miliona çdo vit. Vitin e kaluar, këshilli i qytetit të Amsterdamit votoi për ndalimin e anijeve të lundrimit dhe mbylljen e terminalit të lundrimit.
![](https://traveltradejournal.com/wp-content/uploads/2024/04/Amsterdam.jpg)
Rikujtojmë, se Amsterdami nuk do të jetë më i kuq. Vendi është duke ndjekur një plan që do të shohë zhvendosjen e “vitrinave të seksit” në periferi të qytetit. Kryebashkiakja Femke Halsema ka kundërshtuar prej kohësh lagjen e dritave të kuqe, të njohur si “De Wallen”, me dritaret karakteristike në shtëpitë buzë kanalit ku punonjëset e seksit qëndrojnë në pritje të klientëve.
![](https://media.interaksyon.com/wp-content/uploads/2024/04/amsterdam.jpg)
Ajo dëshiron të çrrënjosë lagjen historike ku ofrohen marrëdhënie seksuale me pagesë dhe ta zhvendosë atë jashtë qytetit, me planin që synon t’i çrrënjosë Amsterdamit nofkën e “qytetit të mëkateve”, ndërkohë që zvogëlon edhe numrin e turistëve e krimet në zonë. Në zbatim të planit, drejtuesit e qytetit të Amsterdamit zbuluan vendndodhjen e re të lagjes me drita të kuqe në jug të kryeqytetit holandez. Qyteza “qendra erotike”, parashikohet të ndërtohet në bulevardin ‘Europa’ në lagjen jugore.