E vendosur në zemër të Sanaa të Jemenit është një dhomë ndenjeje ndryshe nga të tjerat. Ahmad al-Awami, një i pasionuar për ruajtjen e trashëgimisë së Jemenit, ka kuruar me përpikmëri një koleksion punimesh artizanale dhe antike që tani zbukurojnë muret e dhomës së tij të ndenjes. Çdo pjesë ka historinë e vet, duke i ftuar vizitorët të zhyten në mjeshtërinë dhe historinë e vendit.
Awami, i cili punon si Inxhinier IT, thotë se ishte frymëzuar për të filluar koleksionin e tij gjatë studimeve në Francë. Kjo pasi mjaft njerëz ishin të interesuar për trashëgiminë dhe kulturën e këtij vendi. 58-vjeçari është aq i apasionuar pas këtij koleksioni, saqë shpeshherë i jep përparësi blerjes së artikujve historikë se sa gjërat e tjera të nevojshme. Awami kujton një incident ku ndërsa ishte në një shëtitje për të blerë veshjet e fëmijëve të tij për festën fetare të Bajramit, hasi në atë që ai e përshkroi si një derë 300 vjeçare. Kështu ai rrëfen se bleu derën në vend të veshjeve.
Dhoma e tij e ndenjes ka tërhequr shumë entuziastë të tjerë të kulturës jemenase. Të ftuarit angazhohen në biseda të gjalla, duke ndarë dashurinë e tyre për trashëgiminë artistike të Jemenit dhe madje këndojnë këngë tradicionale dhe këngë fetare.
Inxhinieri i naftës në pension dhe i ftuari i shpeshtë i Awami e përshkroi dhomën si një pasqyrim të vërtetë të trashëgimisë së Jemenit. Ai thotë se 58-vjeçari sakrifikoi shpenzimet e jetesës për të krijuar atë që mbart identitetin jemenas në të gjitha detajet e tij. “Ai përfaqëson identitetin e një populli me të gjitha aspektet e tij”-shtoi Jahaf.
