Personat e moshës 20-40 vjeç i sjellin personat me të cilët dalin në shtëpi për të takuar mamin dhe babin pas 10 ose më shumë takimeve, ose mesatarisht pak më shumë se dy muaj në lidhje, sipas të dhënave të reja nga aplikacioni i takimeve Hinge. Por ekspertët e marrëdhënieve thonë se kjo po ecën shumë shpejt.
“Mos prezantoni askënd me prindërit tuaj nëse nuk është një marrëdhënie serioze dhe e përkushtuar”, thotë terapistja dhe ekspertja e marrëdhënieve Rachel Sussman për Moneyish.
Zakonisht, kjo është pas të paktën katër ose pesë muajsh.
Ndoshta tendenca që të dashuruarit e rinj t’i prezantojnë të dashurit dhe të dashurat e tyre me prindërit e tyre është për shkak se ata i mendojnë më shumë si miq sesa figura autoriteti, 50% i konsiderojnë prindërit si miqtë e tyre më të mirë, sugjeron hulumtimi. Ata po ashtu jetojnë më gjatë në shtëpi, kështu që është e pashmangshme që të dashurit e tyre të hasë mamin ose babin.
Pesëmbëdhjetë përqind e tyre nga 25 deri në 35 vjeç jetonin në shtëpitë e prindërve të tyre në 2016, një përqindje shumë më e madhe se 8% e atyre të lindur nga 1946 deri në 1964 dhe 10% e atyre të lindur nga 1965 në 1979, sipas Qendrës Kërkimore Pew.
