Pasi lamë pas një javë të ngarkuar, më të ngarkuarën e këtij muaji, me plot 14 projekte të reja në listën e 30 këngëve më të mira shqiptare të momentit, na pret një javë disi më e qetë. Edhe pse ishte një javë e ngarkuar me sasi, kjo nuk do të thotë që cilësia ishte më e pakët.
Megjithatë prisni sa të njiheni me hyrjet e reja të kësaj jave. Në Albanian’s Hot Top 30, këtë herë kemi katër projekte të sapo publikuara nga artistët shqiptar. Elai vazhdon të sjellë projekte të reja duke qenë mjaft aktiv në muzikë. Pas “Paranormal”, “Lale” dhe “Nokia”, tani vjen “Pise”. Nga ana tjetër kryefjala e javës është një bashkëpunim që nuk na e priste mendja por që rezultoi mjaft i pëlqyer.
Irkenc Hyka dhe Vig Poppa, padyshim që kanë goditur në shenjë me “Të premtoj”. Dhe meqë jemi tek premtimet, Sardi Strugaj premton një këngë që do t’ja kalojë ndoshta edhe “Sytë”, me “A ja thash”. I fundit por jo më pak i rëndësishmi është Capital T me “Plan”. Ju thamë që nuk do të zhgënjeheshit.
Powered by The Top List © / Top Awards ©
