Teksa ndodhemi në javën e fundit të vitit 2021, le ta mirëpresim krahëhapur me muzikën më të mirë në sfond. E ku ka më mirë se me hitet shqiptare më në zë të momentit!
Këtë javë do t’ju prezantojmë me plot tetë këngë të reja në këtë listë. Ledri Vula na ka sjellë disa ‘American Vibes’ me projektin e tij më të ri të titulluar “Amerikana”. Nga ana tjetër Capital T po vazhdon që të na surprizojë me projektet e tij të njëpasnjëshme. Vetëm një javë pasi solli “Plan”, Kapo ka publikuar “Nashta”, por jo vetëm kaq pasi shumë shpejt të gjithë do të kemi mundësi për të zbuluar albumin e tij të plotë.
Në listën e hiteve më të mira shqiptare dhe atë të Top Awards kemi disa artistë që vijnë për herë të parë. Është fjala për Elita 5 me “Lamtumirë”, Çiljeta që erdhi në një bashkëpunim me Ardit Çunin në “Oj dashni” dhe Arinda Gjoni me “Malli”.
Një treshe e fuqishme vajzash kanë hyrë gjithashtu me projektet e tyre. Dhurata Dora publikoi “Criminal” që ishte ndër më të preferuarat e fansave, Kida publikoi projektin e shumëpritur “Mo jo”, pjesë e albumit të saj “Orchidea”, si dhe Samanta erdhi me “Jeta Ime”, pas suksesit të saj të padiskutueshëm me “Mama”.
Powered by The Top List © / Top Awards ©