A mund ta quajmë këtë javën më të ngarkuar në listën e 30 hiteve më të mira shqiptare? Me shumë gjasa që po. Dhe për pak do ju themi se pse.
Këtë javë në Albanian’s Hot Top 30, kemi plot 14 projekte të reja në listë. U surprizuat mjaftueshëm? Tani na lini që t’ju prezantojmë me to… Si fillim Yll Limani ka publikuar albumin e tij që rezultoi një sukses i padiskutueshëm. Të pesta këngët e tij janë pritur mjaft mirë nga publiku dhe sigurisht që nuk kishin si t’i mungonin listës. Bëhet fjalë për “Lshoja zanin”, “Gënjeshtare”, “Qaj”, “Çka nëse” dhe “Vonë”.
Ndërkohë një tjetër surprizë janë “Qaj” dhe “Era”, dy rikrijime moderne shqiptare. Nilsa Hysi ka risjellë një version të ri të këngës popullore “Qaj Maro” me titullin “Qaj”. Nga ana tjetër, Mira Konçi dhe Faton Macula kanë sjellë bashkëpunimin e tyre më të ri me këngën “Era” nga grupi “Gjurmët”.
Projekte të tjera më të fundit që i bashkohen listës janë; “040 Dukat” nga Kidda, 2 këngë në 1, “Anash & Doja” nga Anxhelina dhe Flori, “E urrej” nga Nush, “Am do” nga Alandy dhe Stine, “Era” nga Dafina Zeqiri dhe Buta. Por jo vetëm kaq por edhe dy projekte interesante nga artistë më të rinj, “Pfizer Love” nga Bik Kik dhe “Sonata” nga Ibro Deli. Shijojini…
Powered by The Top List © / Top Awards ©
