Në listën e hiteve më të mira shqiptare të kësaj jave, do të kemi kënaqësinë të njihemi e të dëgjojmë shtatë hite të reja. Nga një për çdo ditë të javës do të thonim ne.
Si fillim këtë javë do të njihemi me La Fazani, një emër i ri për sa i përket kësaj liste. Ai ka sjellë projektin e tij solo të titulluar “Jupiteri”. Ç’mendim keni? Fifi dhe Beatrix Ramosaj përveç se këngëtare shumë të talentuara, kanë qenë në vëmendjen e të gjithëve që pas pjesëmarrjes së tyre në “Big Brother VIP”. E duket se vajzat kanë dalë më produktime nga ajo shtëpi, duke publikuar menjëherë pas daljes këngë të reja ku rrëfejnë eksperiencën e tyre në këtë format.
Të gjithë e dimë që janari është një muaj tepër i ftohtë apo jo? Epo duket se Lorenc Hasrama ka një tjetër eksperiencë që lidhet me këtë muaj, e kemi fjalën për projektin më të të titulluar “Janari”. Stiv Ushe dhe Krist Karkanaqe kanë bashkuar forcat së bashku për të sjellë “Pa mu”.
Nga ana tjetër vetëm pak pasi Anxhelo Koçi solli “Akull”, një tjetër projekt pason. Artisti ka publikuar “Fotot” që deri diku ka nota më ‘të zemëruara’ se projekti paraardhës. Dy emra të rinj që i shtohen kësaj liste janë Tr3ndy dhe Faton Qerimi të cilët kanë sjellë “U kry”, me të cilët do të njihemi më shumë gjatë javës…
Powered by The Top List © / Top Awards ©