Fillimi i kësaj jave na ka përballur me disa surpriza për sa i përket hyrjeve të reja në listën e këngëve më të mira shqiptare. Si fillim do të prezantohemi me një prej hiteve që po bën ‘namin’ momentalisht, “Gips”.
“Gips” erdhi si bashkëpunim mes Ronela Hajatit dhe MatoLale, të artistë shumë të talentuar dhe që çdo këngë e tyre është ndër më të preferuarat e publikut. Duket se Ronela po na gëzon pak para se të na prezantojë videoklipin e shumëpritur të “Sekret” me të cilin do të na përfaqësojë në Eurovizion. Ne kemi vetëm pak fjalë për të thënë për dyshen: Goditën në shenjë!
Bardhin ndoshta do ta lidhim gjithmonë me “Betohemi”, por disa nga projektet e tij të fundit po synojnë që ta tejkalojnë këtë sukses. A do ta bëjë “Engjulli im” këtë?
Nga ana tjetër kemi Kaltrinën, me të cilën jemi njohur me projektin “Borëbardha”. Ajo ka publikuar pak ditë më parë këngën e saj më të fundit me titull “PRS”. Dj Geek është ‘larguar’ pak nga Dafina, me të cilën ka bashkëpunuar thuajse në çdo projekt kohët e fundit, për të bashkuar forcat me Yll Limanin në “Fjalë”.
Powered by The Top List © / Top Awards ©
