A ka kuptim vera pa Soni Malaj?! Sigurisht që jo e, thënë kjo, mirëpresim artisten sërish në këtë listë. Këtë herë ajo ka ardhur së bashku me ESTTO për të sjellë pak ritme të nxehta dhe latine me “Amante”. Sa bukur kombinohen së bashku. Soni plot zjarr dhe ESTTO me ëmbëlsinë që e karakterizon…
Sheila Haxhiaj na kujton edhe njëherë që qenka shumë vapë këto kohë… “Uh sa vapë” titullohet projekti i saj më i ri, një projekt ndër më të veçantët, siç e ka përshkruar dhe vetë ajo. Djali i hiteve, Capital T nuk ka të ndalur. Ende pa u ‘mërzitur’ me projektet e tij të shumta të fundit ai sjell “Dukat”.
Pas disa muajsh mungesë, Drilona sjell këngën e saj të fundit “How could you”. Nga ana tjetër kemi një nga artistët më të rinj në treg, Wicked-K. Ëmbëlsira për në fund, Renis Gjoka dhe Eneda Tarifa, dy nga emrat më të mëdhenj të skenës kanë sjellë bashkëpunimin e tyre të shumëpritur “Cep me cep”.
Powered by The Top List © / Top Awards ©