Një javë e ngarkuar kjo për sa i përket listës së këngëve më të mira shqiptare të momentit. Kjo javë vjen me shtatë hite të reja.
Dafina Zeqiri vazhdon me publikimin e hiteve të saj të njëpasnjëshme. Këtë herë ajo ka lançuar “T’i dho krejt” që sigurisht ka hyrë menjëherë në listë dhe është ndër më të preferuarat e publikut. Ndërkohë dhe Arilena Ara ka publikuar “E gjallë”, pjesë e albumit të saj të fundit, “Pop Art”.
Pas suksesit me “Bagëti e Bujqësi”, Killua, apo ndryshe Sir-A, ka guxuar me një tjetër hit, të titulluar “Ktu ka Juda shpinë”. Cila mendoni se do të preferohet më shumë? Gjithashtu dhe Numen vjen sërish në këtë listë pas “Malena”, këtë herë me një këngë më të ndjerë, “Loti”.
Kastro Zizo vjen sërish në listë pas një jave, këtë herë me një bashkëpunim me Visjan Ukcenaj, i cili hyn në listën e Top Awards për herë të parë. Të tjera këngë që premtojnë sukses janë dhe “Inati” nga Azra dhe “Pa hile”, nga Ergys Shahu dhe Joni, po ashtu një artiste e re në listë.
Powered by The Top List © / Top Awards ©
