Ju prezantojmë me hitet më të mira shqiptare të kësaj jave. Këtë herë kemi plot shtatë këngë të reja në listë. Një bashkëpunim paksa i pazakontë, por që rezultoi të ishte mjaft i pëlqyer nga publiku dhe u votua që tí bashkangjitej menjëherë listës së këngëve më të mira shqiptare. Po flasim për “Mëkati jem” i Ghetto Geasy, Majk dhe Xhensila Myrtezaj.
Nga ana tjetër kemi një artist të ri në listë, Elai, i cili hyn fuqishëm me dy këngë, “Lale” dhe “Paranormal”. Me gjasa që do të na surprizojë akoma në javët në vazhdim. Gjithashtu, Dafina Zeqiri dhe MC Kresha kanë publikuar videoklipin e këngës së tyre “Vet e lype”, pjesë e albumit të shumëpërfolur të këngëtares.
Një tjetër surprizë e kësaj jave është artisti Don Xhoni. Këngëtari ka arritur që të ketë shumë fansa dhe ne jemi shumë kuriozë për të parë rrugëtimin e tij në listën e këngëve më të mira shqiptare. Butrint Imeri ka sjellë këngën e tij “Kuku”, që vjen me një stil paksa më ndryshe nga projektet e tij të mëparshme. A do të tejkalojë sukseset e këtyre të fundit.
Killua, nga ana tjetër, ka intriguar me një projekt shumë të veçantë të titulluar “Bagëti e Bujqësi”. Gjykojeni vetë…
Zbuloni më shumë duke dëgjuar Albanian’s Hot Top 30 dhe duke shijuar artistët tuaj të preferuar shqiptarë.
Powered by The Top List © / Top Awards ©