Top Albania Radio sigurohet që të përzgjedhë muzikën më të mirë të momentit qoftë kjo ndërkombëtare apo shqiptare. Hitet më të mira të javës, por jo vetëm. Këtë javë kemi në vëmendje pesë këngë të reja shqiptare.
Bëhet fjalë për një bashkëpunim mes Shpat Dedës dhe BimBimma me “N’dikon ndikon” një këngë plot mesazhe dhe që të bën të reflektosh. Nga ana tjetër kemi një projekt shumë të ndjerë dhe emocionues nga Arilena Ara, “Ke me mungu”. Një baladë kjo dhe projekt ndryshe nga çfarë Arilena ka publikuar kohët e fundit. Rikujtojmë këtu “Aligator” apo bashkëpunimin energjik me Dafina Zeqirin, “Thirr policinë”.
Adriano ka sjellë një këngë ritmike dhe me ritme latine dhe plot energji, “Por favor”. Ndërkohë që këtë javë kemi një tjetër hyrje të re, një rikrijim i këngës së Genës, “Kur s’të thashë të dua”, që me siguri që nuk ka dikush që nuk e njeh. Cekic ka vendosur që ta ‘risjellë në jetë’ këtë këngë, sigurisht që me një përpunim shumë të arrirë që parashikojmë të jetë një hit, “Dua”. Nga ana tjetër Elgit Doda ka sjellë një këngë tipike për atë dashurinë tipike toksike. A nuk mendoni se qëlloi plotësisht në shenjë?
Zbuloni më shumë duke dëgjuar Albanian’s Hot Top 30 dhe duke shijuar artistët tuaj të preferuar shqiptarë.
Powered by The Top List © / Top Awards ©