The Playlist, Week of March 21st

Besojmë se nuk jemi të vetmit që kur dëgjojmë emrin e Michael Bublé, menjëherë e lidhim me hitin e Krishtlindjes, “It’s Beginning To Look A Lot Like Christmas”, apo edhe me “Feeling Good”. Epo tashmë na shtohet një tjetër këngë e re e tij në playlist-ën e këngëve tona të dashura. Bëhet fjalë për “I’ll Never Not Love You”.

Çfarë do të bënit nëse kjo do të ishte dita e fundit në Tokë? Duket se këtë pikëpyetje e ka patur edhe Tai Verdes kur krijoi “Last Day On Earth”.

Një projekt shumë i veçantë është dhe ai “In God We Trust”. Kënga bëri së bashku Tom MacDonald, Adam Calhoun, Struggle Jennings dhe Nova Rockafeller për të përcjellë një mesazh që do ta zbuloni vetëm duke e dëgjuar atë. Le të ngremë pak temperaturat ashtu siç vetëm Saweetie di të bëjë. Reperja ka bashkuar forcat me H.E.R. duke na sjellë “Closer”.

E keni parasysh atë shprehjen kaq cliche tashmë, “The Eyes, Chico. They Never Lie.”? Kjo shprehje kaq shumë e përdorur e huazur nga Tony Montana në “Scarface”,  na erdhi ndër mend kur dëgjuam projektin e ri të Tones and I, “Eyes don’t lie”.