Së fundmi, ylli i muzikës pop Shakira ka publikuar këngën e saj më të re në bashkëpunim me këngëtarin e njohur Ozuna, “Monotonia”. Kjo këngë duket se i është dedikuar ish-it të Shakira-s, Gerard Pique pasi teksti përshtatet dhe artistja shfaqet në klip duke qarë. Në video shfaqet Shakira me lotët që i rrjedhin ku në qendër të vëmendjes është dhimbja dhe zemra e gjakosur që mban në duar, pasi është shkelur.
Në valën e publikimit të albumit të saj të ri, Taylor Swift na sjell “Anti-Hero”. Këngëtarja postoi së fundmi për fansat klipe ngacmuese të videove muzikore të ardhshme për albumin e saj të dhjetë të shumëpritur, “Midnights”. Klipi përmbante instrumentalët e një prej këngëve të albumit, duke përfshirë këngën kryesore “Anti-Hero”, me videon muzikore të publikuar. Swift ka bashkëpunuar gjithashtu dhe me Lana Del Rey për të sjellë “Snow On The Beach”.
Nga ana tjetër lista e kësaj jave sjell hitin që kohët e fundit na ka shoqëruar kudo nëpër rrjete sociale. “Under The Influence” nga Chris Brown është bërë tashmë virale dhe më në fund kemi dhe klipin zyrtar të publikuar tashmë. Dimë të themi vetëm kaq, ndihet shumë nxehtë…