Në playlistën zyrtare të Top Albania Radios, këtë javë kemi shumë surpriza për dëgjuesit tanë besnikë. Ne po ju prezantojmë disa nga këngët më të reja ndërkombëtare të sapo publikuara dhe projektet më në zë të momentit.
Nëse jeni fansa të James Arthur, që dyshojmë se mund të jetë e kundërta, këtë javë artisti vjen në vëmendje me dy projekte të sapo publikuara, “Emily” dhe “SOS” dhe duket që është më aktiv se kurrë tani në muzikë. E kemi parasysh atë këngën që kohët e fundit është bërë virale dhe po dëgjohet kudo nëpër rrjete sociale? Epo ‘Love Nwantiti” i bashkohet këtë javë playlistës zyrtare të TAR.
Ashnikko është siguruar që të futet paksa në atmosferën e Halloween-it teksa po i afrohemi dita-ditës kësaj date, me këngën më të re, “Halloweenie IV: Innards”. Nga ana tjetër një grupim i fuqishëm mes vajzash bie në sy këtë javë. Po flasim për Christina Aguilera, Becky G, Nicki Nicole dhe Nathy Peluso me “Pa Mis Muchachas”. Sa të pëlqyera do të rezultojnë ato?
Një tjetër bashkëpunim paksa i pazakontë, duke qenë artistë të rrymave të ndryshme, ishte dhe ai mes Elton John, Young Thug dhe Nick Minaj. E kujt mund t’ja merrte mendja?
Megjithatë kudo po flitet për Swedish House Mafia dhe The Weeknd, yjet e “Don’t you worry child” dhe “Save your tears” janë bërë bashkë për të thyer rekordet e suksesit. Këto e më shumë të tjera mund t’i zbuloni vetëm në “The Playlist”.