Ju prezantojmë me playlistën zyrtare të Top Albania Radios, këto janë këngët që luhen më shpesh gjatë javës në të cilën ndodhemi. Kjo javë vë në vëmendje këngëtaren e talentuar Adele me “Easy On Me”, pas një periudhe shumë të gjatë pauze dhe madje lajmi i mirë, shumë më shpejt se sa mendoni do të sjellë dhe albumin e saj të ri.
Gjithashtu dhe Justin Bieber sapo ka publikuar së fundmi projektin e tij më të ri, “Ghost” dhe me sa duket artisti sa vjen e po bëhet akoma dhe më shumë aktiv në tregun muzikor kohët e fundit. Nga ana tjetër këtë javë kemi dhe një hyrje nga Stromae, i cili ka bërë që çdo këngë e tij të bëhet hit, a është dhe “Santé” në këto hapa?
Si mund të mungonte një artist që përfaqëson kaq mirë këngët romantike sa James Morison. Këngëtari ka publikuar “Who’s Gonna Love Me Now?” që po pritet shumë mirë nga publiku e aq më tepër nga fansat e tij fanatikë. Këto e shumë e shumë të tjera, ju sugjerojmë të dëgjoni ato që Top Albania Radio ka përzgjedhur për ju për të kaluar një tjetër javë ku muzika është e pranishme në përditshmërinë tonë.