Duket se nuk jemi të vetmit që jemi ‘verbuar’ nga dritat e atmosferës festive. E kuptuat mirë se për çfarë po flasim. Këtë javë vëmendja shkon tek The Weeknd me një nga hitet e tij “Blinding Lights”. Megjithatë jo vetëm kaq. Artisti vjen dhe me një tjetër projekt, “After Hours”.
A ju kujtohet filmi ikonë me aktorët ikonik Whitney Houston dhe Kevin Costner, “The Bodyguard”? Pyetje retorike kjo, sepse kush nuk e ka parë apo e ka adhuruar këtë film. Epo, ne vendosëm që të rikthejmë vëmendjen tek kolona zanore po aq e famshme, “I Will Always Love You”.
Një surprizë (ose edhe jo) për këtë javë është prezenca e Beyonce. Këngëtarja ka ardhur në këtë listë me dy hite, “Hold Up” dhe “1+1”. “We Will Rock You”, e si mund të mos pëfshihej në listën e këngëve që nuk njohin kohë?
Për këto e më shumë të tjera, ju ftojmë që t’i zbulojmë së bashku gjatë kësaj jave të fundit të vitit 2021!
