Çfarë hitesh ndërkombëtare kemi përzgjedhur për ju këtë javë? Jeni kuriozë që t’i zbuloni?
Dy nga grupet më të mira të të gjitha kohërave, vijnë për ju këtë javë në Timeless Playlist. Bëhet fjalë për grupin Nirvana, i cili para pak kohësh u vë në qendër të polemikave për shkak të posterit të përdorur në albumin e tyre “Nevermind”. Ata vijnë me “Come As You Are”, që ne jemi të bindur që nuk ka brez që nuk e njeh.
Gjithashtu AC/DC na nderon me një prej hiteve të tyre të padiskutueshme, “Shoot To Thrill”. E si mund të mungonte mbreti i pop-it, Michael Jackson? Vetëm për kënaqësinë tuaj, edhe tonën gjithashtu, rivjen dhe njëherë në kujtesën tonë “Bad”.
Avril Lavigne mund të jetë për momentin disi larg vëmendjes, por dikur ajo ishte ndër këngëtaret më të preferuara të brezit të adoleshentëve. Çfarë kujtimesh ju sjell “Complicated”, që gjithashtu mund ta keni dëgjuar dhe si kolona zanore në disa filma?
Një performancë live e Benjamine Clementine gjatë sfilatës së Burberry, është e sigurtë që do t’ju prekë deri në palcë. Por “Adios” nuk është kënga e vetme e tij në këtë listë. Clementine vjen gjithashtu me “Jupiter”.
