It’s time to rock ‘n roll baby! Ashtu siç e dëgjuat, playlist-a e sotme i dedikohet kryesisht muzikës rock & roll dhe më saktësisht atë të viteve ’50. E kush mund ta përfaqësonte këtë më mirë se vetë ‘mbreti’ i kësaj rryme, Elvis Presley?!
Ishte koha të rikujtonim disa nga hitet e tij më të mira ndër vite. Por nuk do ndalemi vetëm tek Elvis, por dhe tek artistët e tjerë të kësaj epoke, qofshin ata amerikanë, anglezë apo italianë. Duke u ndalur pak tek këta të fundit, po ju ‘dërgojmë 24000 puthje’ nga Adriano Celentano. Prezantuar në filmin “Io bacio, tu baci”, përveç kësaj kënge, sjellim në kujtesë edhe lëvizjen ikonike të këmbëve tipike për rock ‘n roll.
Nga ana tjetër, një pionier i rock & roll dhe një paraardhës i lëvizjes rock Chicano, karriera muzikore e Ritchie Valens zgjati vetëm tetë muaj. Gjatë kësaj kohe, ai pati disa hite, më së shumti “La Bamba”, e cila ishte fillimisht një këngë popullore meksikane. Valens e transformoi këngën me një ritëm rock dhe u bë hit në vitin 1958, duke e bërë atë një pionier të lëvizjes rock and roll spanjolle.