Kemi nderin që këtë javë të kemi në Timeless Playlist një ikonë të muzikës. E për kë tjetër përveç se Whitney Houston mund ta kishim fjalën? Thënë kjo, merrni dikë përkrahu dhe me vrap në pistën e kërcimit me “I Wanna Dance With Somebody” në sfond!
Dhe meqë jemi tek ikonat, mbreti i pop-it na vjen me një këngë të preferuar nga të gjitha brezat. Michael Jackson vjen në përzgjedhjen e javës me një këngë të fuqishme siç është “Beat It”.
Imagjinoni se nuk ka parajsë, është e lehtë nëse provoni. Asnjë ferr poshtë nesh, mbi ne vetëm qiell. Imagjinoni të gjithë njerëzit që jetojnë për sot. Imagjinoni që problemet tuaja të jenë shumë larg… Besojmë se e kuptuat mesazhin. Epo, ju ftojmë të ridëgjoni edhe njëherë hitin e John Lennon, “Imagine”… Sa për ju të dashuruarit, ‘marrosuni’ pas “Lovefool”!
