Qytetarët në Moskë shpesh i emërtojnë kafshët shtëpiake për nder të shkrimtarëve dhe poetëve rusë, figurave historike, si dhe heronjve të karikaturave ruse. “Banorët e kryeqytetit rus nuk humbasin mundësinë për t’i emërtuar macet me emra të njohur nga letërsia. Dashamirët e klasikëve rusë kanë regjistruar 57 mace për nder të Aleksandër Pushkinit dhe tetë mace për nder të poetit Sergei Yesenin në qytet”-tha Elena Shinkaruk, presidente e bordit të shërbimeve publike të Moskës.
Për më tepër, qytetarët e Moskës i emërtojnë kafshët e tyre shtëpiake për nder të heronjve të historisë dhe artit botëror për shembull, 11 qen me emrin Richard the Lionheart, nëntë qen me emrin Michelangelo dhe një mace me emrin Napoleon Bonaparte janë regjistruar në portal. Emri i personazhit rus të filmave vizatimorë Luntik është gjithashtu i njohur në Moskë, për nder të të cilit janë emëruar më shumë se 90 mace dhe deri në 43 qen. Vihet re se Musya, Bonnie dhe Archie janë bërë emrat më të njohur të maceve dhe qenve që jetojnë në mesin e moskovitëve.
Ndërkaq, në Pallatin Kombëtar të Meksikës 19 mace endacake mund të bredhin lirshëm në kopshtin e madh dhe korridoret historike, koloniale të ndërtesës. Sipas deklaratës së re të qeverisë, kujdesi për to tashmë është një detyrim. “Ata kanë akses në çdo pjesë të pallatit, kështu që ju mund t’i shihni kur njerëzit takohen në korridore, japin intervista dhe ecin nëpër kamerat e shtypit”,-tha veterineri i pallatit Jesus Arias.
Macet nga pallati kanë bërë histori teksa qeveria e presidentit meksikan Andres Manuel Lopez Obrador i ka shpallur “pronë të gjallë”, duke i bërë ato kafshët e para në Meksikë që iu dha ky epitet. Macet janë në përgjegjësi të Ministrisë së Financave, e cila duhet të paguajë ushqimin dhe kujdesin e tyre sa janë gjallë. Nuk dihet se kur janë shfaqur për herë të parë macet në pallat dhe as nuk dihet se si kanë hyrë në ndërtesë. Ndërsa 19 mace jetojnë përgjithmonë në ndërtesë, shumë mace të tjera vijnë dhe shkojnë dhe stafi i pallatit supozon se macet e tjera hyjnë fshehurazi gjatë natës nga një vrimë e vogël në portë.
