Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Ju Flet Trupi

Ardi Asllani kritikon veshjen tradicionale të Rita Ora-s…Ja çfarë e shqetëson atë!

Në emisionin “Live from Tirana” për të folur rreth veshjeve tradicionale të vendit tonë ishte i ftuar dizajnuesi i njohur, Ardi Asllani. Së fundmi, kënga e këngëtares me origjinë shqiptare Rita Ora ka qenë në qendër të vëmendjes për faktin se në videoklip ajo shfaqet e veshur me motivet tradicionale të vendit tonë.

Por e gjithë veshja e Rita-s ka ngritur debate nëse me të vërtetë veshja ka qenë një veshje autentike shqiptare. Ja çfarë mendimi ka Ardi për këtë:

Veshja në tërësinë e saj është cool, trendi dhe e miksuar. Gjen metalin, të leshtën, tylin, dorezat apo lëkurën. Por veshjen autentike tonë siç është xhubleta te veshja e Rita-s nuk e gjeta. Ky detaj shumë i rëndësishëm mendoj se i ka shpëtuar dizajnuesit. Xhubleta e fundit në Shqipëri ka egzistuar rreth 120 vjet më përpara dhe teknika ka humbur komplet. 

Por nëse Ardi do të ishtë dizajnuesi i veshjes çfarë do të sillte ndryshe?

Mendoj që do të kisha qenë më i kujdesshëm. Veshja zakonisht nis me një skicë dhe stilistët kanë parë skicën dhe në bazë të saj kanë përceptuar të gjithë veshjen. Në skicë duhet të eliminohej gjithçka. Autorësia e veshjes nis nga skica. Stilistët që kanë bërë rikompozimin e veshjes nuk e njohin fare traditën e veshjes shqiptare. Vathët në pjesën e lartë të kokës nuk egzistojnë tek ne si dhe ornamentet në jelek nuk janë autoktone. Dorezat e kuqe janë pop dhe lidhen me çizmet e kuqe dhe këto nuk më shqetësojnë. Më shqetësojnë elementet e marra nga vendet e tjera që nuk janë fare shqiptare si kurora e kokës, pjesa e brezit, vathët, shamia e kuqe dhe pjesa e fundit.