Zbuloni disa nga ngjarjet më të bujshme në rrjet të javës që lamë pas…
1. Legjenda e ndjerë e hip-hopit Tupac Shakur do të nderohet me një emër rruge në Kaliforni, pas një votimi unanim nga këshilli i qytetit. Sipas vendimit, një shtrirje e bulevardit MacArthur pranë Liqenit Merritt ku Shakur ka jetuar dikur do të mbajë emrin e tij ekzistues, por gjithashtu do të marrë emrin shtesë, nderi të Tupac Shakur Way. Fondacioni Tupac Shakur do të mbulojë kostot për pllakat dhe shenjat përkujtimore që sinjalizojnë ndryshimin.
2. “And Just Like That…” sezoni i dytë është pothuajse gati për t’u publikuar. HBO njoftoi më 17 maj se episodet e reja të serialit ‘Sex and the City’ do të mbërrijnë në Max (dikur HBO Max) më 22 qershor.
3. Johnny Depp ishte në qendër të vëmendjes në Festivalin e Filmit në Kanë, madje publiku e duartrokiti për plot 7 minuta pas premierës së tij. Por nuk ishte vetëm performanca e tij në filmin “Jeanne du Barry” që i bëri njerëzit të flisnin. Fotot e aktorit kontrovers duke ecur në tapetin e kuq të martën pushtuan shpejt rrjetin, ku fansat u fokusuan tek dhëmbët e tij të prishur.
4. Whoopi Goldberg së fundmi ka dalë kundër Meghan Markle dhe Princit Harry. Fituesja e çmimit EGOT e vuri në dyshim pretendimin e çiftit se ata ishin përfshirë në një ndjekje të tmerrshme me makinë me paparacët. Ndërsa Goldberg pranoi se çifti mbretëror “kishin të bënin me paparacët agresivë”, ajo shtoi, “thjesht nuk funksionon në Nju Jork”.
5. Britney Spears nuk i ka parë djemtë e saj adoleshentë prej “më shumë se një viti” pas grindjeve të tyre publike për sjelljen e saj në mediat sociale. Një burim konfirmon për Page Six se hera e fundit që këngëtarja e hitit “Toxic” pa djemtë Sean Preston, 17 vjeç dhe Jayden, 16 vjeç ishte “në fillim të vitit 2022” – para martesës së saj me Sam Asghari.
