Bazuar në dekretin më të fundit të Ministrisë së Shëndetësisë në Itali, Shqipëria vazhdon të mbetet në vendet e listës D.
Nga sot e deri më 25 tetor 2021, çdo qytetar që udhëton drejt vendit fqinj duhet të paraqesë: certifikatën e gjelbër COVID-19, që vërteton vaksinimin e plotë ose një certifikatë të ngjashme të lëshuar nga autoritetet kompetente shëndetësore vendase që deklaron përfundimin e vaksinimit.
Certifikata mund të jetë në formë dixhitale ose e printuar.
Shteti italian njeh vaksinat e autorizuara nga EMA: Pfizer Biotech, Moderna, AstraZeneca, Jonhson&Johnson ndërsa në vendin tonë përdoren nga ky grup, Pfizer e AstraZeneca.
Po ashtu mund të paraqitet test molekular PCR ose antigjenik, kryer brenda 72 orëve para nisjes; formulari PLF.
Në rast së mospasjes së dokumentave të mësipërme, është e detyrueshme një periudhë vetëizolimi prej 5 ditësh në Itali, në adresën e treguar në Formularin e Deklarimit të Pasagjerit (PLF) dhe duhet të kryeni test në fund të periudhës 5 ditore.
Nuk kërkohet një motiv për udhëtimin, si nevoja për punë ose studim, arsye shëndetësore, urgjencë absolute, kthim në shtëpi. Fëmijët nën moshën 6 vjeç përjashtohen nga testimi molekular ose antigjen.
