Vanesa Sono është një prurje e re në tregun muzikor shqiptar, e cila ka një botë krijuese mjaft magjike, duke sjellë projekte të ngjashme me ato ndërkombëtare. Së fundmi, ajo ka lançuar “Aroma jonë”, këngë që e ka përfaqësuar atë edhe në Festivalin e Këngës të këtij viti. Edhe pse nuk arriti të fitonte, ajo ka fituar një publik mjaft të gjerë, që janë duke përkrahur rrugëtimin e saj.
Ndoshta vlerësohet si bashkëpunimi më i mirë i artistave më të mëdhenj shqiptarë në 10 vjeçarin e fundit. Dhe është pikërisht ai midis Dj Geek, Young Zerka, Dafina Zeqiri dhe Mc Kresha, të cilët risollën këngën e Young Zerkës të publikuar rreth dy muaj më parë “Nafije”. Një projekt mjaft ritmik dhe i pëlqyer shumë nga dëgjuesit, pritet të jetë gjatë pjesë e “Albanian’s Hot Top 30”.
Klinti Çollaku është një tjetër artist i ri, mjaft premtues në tregun muzikor shqiptar. Ai ka mjaft vite eksperiencë në këtë fushë dhe ka realizuar me mjaft sukses këngë, të cilat janë vlerësuar pozitivisht edhe në festivale të ndryshme muzikore. Këtë rradhë ai vjen me një projekt, ku shfaq stilin e tij të qetë dhe mjaft melankolik, duke sjellë “Shihemi n’kujtime”.
Powered by The Top List © / Top Awards ©
