Për herë të parë në këtë playlist kemi një grup vajzash përfaqësuese të denja të K-Pop, “Blackpink”. Në këngën e re “Pink Venom”, e lançuar përpara albumit të ardhshëm të grupit “Born Pink”, vajzat përpiqen të krijojnë përzierjen e duhur alkimike të sheqerit dhe erëzave. “Pink Venom”, është një kontradiktë e natyrshme: e ëmbël por vdekjeprurëse, pa pretendime, por e fuqishme, siç e kanë përshkruar dhe vetë ato.
Joel Corry dhe Becky Hill po bëjnë “histori” me bashkëpunimin e tyre të ri. DJ dhe producenti bashkoi forcat me këngëtaren për të publikuar këngën “History”, një hit premtues për sezonin e verës. KSI dhe Tom Grennan janë bërë bashkë për këngën e re “Not Over Yet”, një këngë që përforcon qëndrimin ‘Mos u dorëzo kurrë’.
Pheelz dhe Davido na mësojnë se si të gjithë ne jemi energjia dhe drita në jetën tonë në “Electricity”. Artistët na rikujtojnë dhe njëherë se askush nuk kujdeset për ju nëse ju nuk e bëni këtë dhe të besoni në veten tuaj. Macklemore bën një rikthim pas disa kohësh me “Maniac”, së bashku me Windser.
