Selena Gomez na ka prezantuar me dokumentarin e saj “My Mind & Me”, duke u dhënë fansave një vështrim në ‘betejat’ e saj personale. 30-vjeçarja reflekton rrugëtimin e saj nëpër famë dhe momentet më sfiduese gjatë karrierës së saj. Ky dokumentar unik përfshin udhëtimin gjashtëvjeçar të Selena-s në një dritë të re. Së fundmi Selena ka publikuar dhe projektin e saj muzikor me të njëjtin titull. Një rrëfim emocional si kurrë më parë…
Një projekt italian i shtohet listës së kësaj jave. “Universo” nga Fabri Fibra, Neffa dhe Deda gjurmon karrierën e tre artistëve me stilin e viteve ’90. “Universo” është ringjallja e një pjese të historisë së muzikës italiane dhe propozon një linjë shumë larg modës aktuale muzikore. Në njëfarë kuptimi, kënga përfaqëson evolucionin natyror të karrierës artistike të këngëtarëve.
Jason Derulo ka bashkuar forcat me Shouse për një megahit. Me “Never Let You Go”, Derulo ka transformuar një këngë melankolike për miqësitë që zgjasin përgjithmonë në një kryevepër pop mbi mallin dhe dashurinë, që shtrihet në mbarë botën.
