Diçka është e sigurtë, përzgjedhjen e kësaj jave zor se e keni dëgjuar ndonjëherë! Disa nga hitet që mbase mund të jenë lënë në harresë, Top Albania Radio i rikthen sërish në memorien tuaj.
Duke nisur që nga Ben L’onlce Soul, Björk apo Jack Harlow, nga klasikja deri tek modernia, një larmishmëri që nuk gabon kjo e playlist-ës së kësaj jave. Ajo që do të donim të veçonim më së shumti është Fabriozio Moro me “Sei tu”, nga Sanremo i zhvilluar këtë vit.
Por jo vetëm kaq. Tashmë e keni mësuar që hitet italiane zënë një vend të veçantë në këtë listë. Thënë kjo, këtë javë i bashkohet artistit dhe Tiziano Ferro me “Hai delle isole negli occhi”. Pak nostalgji apo jo?
Nga ana tjetër kemi dhe Aiello së bashku me SVM. E nëse këto që ju përmendëm nuk janë shumë në stilin tuaj, Linkin Park me “Castle of Glass” nuk gabon kurrë…
