Timeless Playlist sjell për të gjithë dëgjuesit muzikën më të mirë dhe atë që nuk njeh kohë. Ndoshta kjo javë përmban hitet më të mira ndër vite, që çfarëdo moshe të keni, është e pamundur që mos t’i keni dëgjuar qoftë edhe njëherë. Nëse e keni parë filmin “The Mask”, nuk ju ka kaluar pa vënë re skena ku Jim Carrey këndon, që është njëkohëisht sa komike asjtu edhe mbreslënëse.
Run DMC, Red Hot Chili Peppers, Bee Gee dhe House of Pain kanë vendosur që të na bëjnë që të kërcejmë me hitet e tyre muzikore. Nga ana tjetër kemi dhe praninë e disa grupeve legjendare siç janë Nirvana apo Guns N’ Roses. Ju kishte munguar muzika e mirë dhe cilësore?
Një këngë ikonike e Gnarls Barkley, “Crazy” ju vjen dhe njëherë në kujtesë. Ndër të tjera, këtë javë kemi një sërë artistësh të preferuar nga të gjithë ju, duke filluar nga John Legend në bashkëpunim me Ludacris “Tonight”, një këngë sensuale sa dhe romantike, Bob Marley me stilin e tij karakteristik dhe unik, Billy Porter, Finneas, si dhe nuk mund të lëmë pa përmendur bashkëpunimin kaq të përfolur mes Coldplay dhe Selena Gomez, të sapo publikuar.
Si gjithmonë Timeless Playlist mendon për të gjithë ju. Me përzgjedhjen tonë, ju sigurojmë që këto ditë vjeshte do të shijojnë më shumë.