Qeveria franceze do të shpenzojë 200 milionë euro për të shkatërruar verërat e tepërta dhe për të mbështetur prodhuesit. Vendimi vjen mes një sërë problemesh për industrinë, duke përfshirë një kërkesë në rënie për verë pasi më shumë njerëz pinë birrë artizanale. Mbiprodhimi dhe kriza e kostos së jetesës po godasin gjithashtu industrinë.
Në një përpjekje për të reduktuar mbiprodhimin, paratë do të jenë gjithashtu në dispozicion për vreshtarët për të kultivuar produkte të tjera, si ullinjtë. Qeveria franceze synon të ndalojë kolapsin e çmimeve në mënyrë që prodhuesit e verës të mund të gjejnë përsëri burime të ardhurash.
Të dhënat e Komisionit Evropian për këtë vit deri në qershor tregojnë se konsumi i verës ka rënë 7% në Itali, 10% në Spanjë, 15% në Francë, 22% në Gjermani dhe 34% në Portugali, ndërsa prodhimi i verës në të gjithë bllokun, zona e prodhimit të verës më e madhe në botë u rrit 4%.
