Një grua vegane është dënuar me burgim të përjetshëm, pasi djali i saj i vogël ndërroi jetë nga kequshqyerja. 39-vjeçarja Sheila O’Leary, e cila ndiqte një dietë shumë strikte vegane, u shpall fajtore për 6 akuza që rëndonin mbi të, mes të cilave vrasje e shkallës së parë dhe abuzim me fëmijët.
Pasi u shpall vendimi nga gjykata e Floridës, gruaja nuk tha asgjë përpara gjykatës. Ndërkohë, edhe bashkëshorti i saj, Ryan Patrick O’Leary, është në burg dhe po pret gjykimin e tij. Djali i saj 18-muajsh peshonte vetëm 7,7 kg kur vdiq, në vitin 2019. 39-vjeçarja Sheila O’Leary e ushqente fëmijën e saj vetëm me fruta, perime dhe qumësht gjiri.
