Ishte një mbrëmje jo si ato të zakonshmet ajo e “The Late Late Show” në Shetet e Bashkuara, të martën.
Moderatori James Corden i cili drejton emisionin dha një fjalim prekës rreth vrasjes së George Floyd dhe kohën e vështirë që po kalon amerika por edhe i gjithë njerëzimi.
“Kjo ngjarje ka shokuar një opinion të tërë, është një tragjedi e tmerrshme që na ka shkundur në thellësi. Një burrë me ngjyrë është vrarë nga një i bardhë që ishte edhe një oficer policie” -tha ai teksa dridhej gjatë fjalimit.
James Corden u përlot gjatë emisionit të tij dhe ky moment u shpërnda me shpejtësi në të gjitha rrjetet sociale.
