Njerëzit që u ftuan të merrnin pjesë në panairin vjetor të artit bashkëkohor Frieze London këtë vit, i patën sytë e tyre të fiksuar tek punimet mahnitëse dhe herë pas here të çmendura që ekspozoheshin brenda tendave.
Nëse po kërkoni inspirim sa i përket veshjes, drejtojuni këtij panairi arti, ku mbahet i njëjti vlerësim për ngjyrën, detajet dhe shprehjen e vetvetes, por janë gjithmonë më pak të lidhur me ciklin e tendencave. Për ta ilustruar këtë, ne po ju paraqesim shtatë persona të panjohur të veshur me stil dhe që ne besojmë se mund të konkurrojnë në Pitti, London Fashion Week etj.
1. Pulovrat e lidhura rreth shpatullave
Një pulovër e lidhur në mënyrë të çrregullt rreth shpatullave sipër një bluze pothuajse si një shall. Kjo të jep një atmosferë artistike që jeton në Paris në vitet 1920. Djali ka veshur gjithashtu një këmishë të bardhë dhe xhinse blu, të cilat shtojnë detajet e stilit Pablo Picasso. Çdo pjesë është e thjeshtë dhe pothuajse utilitare në natyrë, por së bashku ato krijojnë një pamje të vërtetë të përsosur të rastësishme ditore.
2. Xhaketë e hollë
Kur bëhet fjalë për modën e vjeshtës, ka optimistë (ata që hezitojnë të ruajnë mbetjet e fundit të garderobës së tyre verore) dhe realistët (ata që pranojnë rrethanat dhe përgatiten për ndryshimin e motit). Me çizmet e tij prej lëkure të zeza, pantallonat e gjera dhe xhaketën ngjyrë portokalli, zgjedhja e veshjes së këtij pjesëmarrësi i përshtatet fort atij në turmën e njerëzve që janë nga fundi.
3. I veshur kokë e këmbë me nuancat e blusë
Duke vërtetuar se bluja është përgjithmonë një nga ngjyrat më të lehta për t’u veshur, ky zotëri është i veshur nga koka te këmbët në nuancat e saj. Ai ka kombinuar me mjeshtëri modele dhe detaje të ndryshme për të mos u dukur një veshje e thjeshtë: këmishë blu e çelur me vija delikate, xhaketa në stilin marinar mbi të dhe pantallona blu. Aksesorët e tij janë gjithashtu të zgjedhur mirë. Kapelja është pjesë e skemës së ngjyrave blu dhe përsa i përket këpucëve atletet Converse janë zgjedhja e duhur.
4. Nga stil klasik në stil përditshmërie
Ky zotëri e di saktësisht se si ta kthejë një kostum në veshje përditshmërie. Duke kombinuar kostumin e tij fin të zi me një bluzë të bardhë dhe atlete, ai padyshim po përcjell një atmosferë më të relaksuar. Megjithatë, mprehtësia e detajeve të bardha krijon një gamë minimale dhe të sofistikuar, e cila e bën të gjithë pamjen më të kombinuar. Hidhni sipër një pardesy Mac me ngjyrë ulliri për çdo stuhi ere apo shiu dhe për të thyer kombinimin klasik bardh e zi.
5. ‘Magjia’ e aksesorëve
Le të jemi të sinqertë: palltoja e këtij djaloshi, trikoja me gjysmë zinxhir dhe pantallonat e rrudhosura janë të gjitha mjaft të bukura, por nuk do ta dallonin saktësisht atë nga 30-vjeçarët mesatarë në Londër, apo jo? Shtimi i aksesorëve të guximshëm nëpërmjet atleteve portokalli dhe kapeles së kuqe që pa dyshim që bëjnë diferencën.
Këshillë e mirë: kombinojeni veshjen me një çantë me thurje nga marka “Story Mfg.” dhe do të keni pothuajse gjithmonë vulën e miratimit nga MR PORTER.
6. Harmonia perfekte
Xhinset blu të errëta të prera në mënyrë perfekte, xhaketa e fryrë që vishet pafundësisht, atletet e bardha, zgjedhja e menduar e aksesorëve – të gjithë elementët kombinohen pa mundim këtu dhe balancojnë njëri-tjetrin. E fundit, por jo më e rëndësishmja, le të flasim për këmishën: është një version shumë më i butë i stileve klasike të freskëta dhe të bardha por gjithsesi një zgjedhje e zgjuar.
7. Kostumet që mund të vishen në punë
Si t’i kombinoni disa nga tendencat e preferuara sartoriale të 2023-ës në një veshje, ndërkohë që arrini të dukeni bukur pa u sforcuar? Ky pjesëmarrës i Frize mund ta ketë përgjigjen. Ansambli i tij i veshjeve të punës në nuancën e këtij viti, ngjyrë kafe, jep një ajër të nënvlerësuar dhe krijues falë butësisë së tij teksturale dhe strukturore dhe qepjeve delikate të kontrastit. Një palë atlete me ngjyrë nga New Balance dhe disa bizhuteri argjendi të zgjedhura me zgjuarsi japin besim dhe thjeshtësi.
