Elvana Gjata dhe Noizy kanë sjellur për dëgjuesit bashkëpunimin e tyre të parë. Kur reperi njoftoi se albumi i ri, “Alpha”, do të publikohet më 7 prill, të gjithë ishin të emocionuar, por më shumë për faktin se mes shumë artistësh të njohur do të ishte edhe emri i Elvanës. Kënga e tyre titullohet “My All”. Mesa duket Noizy e ka manifestuar këtë këngë pasi në gusht 2022, Noizy u shpreh se nuk dëshiron ta mbyllë karrierën pa pasur këngë me Elvana Gjatën.
Gjithashtu, nuk mund të lëmë pa përmendur edhe faktin se në minutën e 02:20 të këngës, dëgjohet edhe zëri i Luiz Ejllit. Noizy e ka përmendur shpesh mbështetjen e tij për banorin e “BBV”, por kjo ishte qershia mbi tortë. Rikujtojmë se, Elvana Gjata do të zhvillojë në stadiumin Air Albania një koncert madhështor. 22 qershori nuk është thjesht një datë, nuk është thjesht një ditë por është një moment kyç i një udhëtimi muzikor në dy dekada. Një show në 360 gradë kështu që nuk na mbetet gjë tjetër vetëm se t’ju themi bëhuni gati.
Powered by The Top List © / Top Awards ©
