Herën e fundit që Beyoncé publikoi një album solo, ajo na dha “Lemonade”, një koleksion ‘vizual’ që mbërriti, pa paralajmërim paraprak, në vitin 2016. Kishte video kinematografike për të shoqëruar çdo këngë dhe regjistrimi u faturua nga vetë Queen Bey, si “një projekt konceptual i bazuar në udhëtimin e çdo gruaje për vetënjohje dhe shërim”.
Tashmë erdhi koha që ajo të nxirrte në treg “Renaissance”. Albumi i saj i ri dhe i shumëpritur përmban 16 këngë, në të cilat Beyoncé nuk është përqendruar tek videoklipet, por siç ka thënë dhe vetë ajo, i ka dhënë rëndësi muzikës. E tashmë ajo po na ‘bekon’ herë pas here me një nga perlat e saj të reja. Tashmë është radha e “Alien Superstar” që të vijë në listën e javës.
Tani le të ndalemi pak tek ‘vendimet e këqija’. Edhe pse projekti në fjalë mban titullin “Bad Decisions”, ky bashkim mes Benny Blanco, BTS dhe Snoop Dogg, ishte zgjedhja më e mirë që mund të bëhej. John Legend e kemi parë në disa bashkëpunime kohët e fundit e artisti tanimë zgjodhi Saweetie për projektin e ri “All She Wanna Do”. Një kombinim ky mjaft interesant…