Dy herë kampioni i NBA-së Rajon Rondo ka bërë të ditur se ka përfunduar zyrtarisht karrierën e tij në basketboll. Rondo nuk ka luajtur që nga viti 2022, ndërsa së fundmi bëri të ditur se nuk planifikon të kthehet në fushë dhe se ka mbaruar së luajturi basketboll.
“Ka mbaruar, nuk mund ta bëj më. Preferoj të kaloj kohë me fëmijët sesa me basketbollin. E vlerësoja çdo minutë në fushë dhe ia vlente të sakrifikoja gjithçka për pjesën tjetër të jetës sime, kur të shoh atë që kam arritur”,-ka thënë Rondo.
4x All Star and 2x NBA champion Rajon Rondo announces his retirement 🙏
(via @allthesmokeprod) pic.twitter.com/ow5v4w9SHq
— Bleacher Report (@BleacherReport) April 2, 2024
Ai la gjurmën e tij më të madhe në fanellën e Bostonit, fanellë të cilën e veshi për tetë vjet si dhe luajti për Dallas, Sacramento, Chicago, New Orleans, Atlanta, Cleveland dhe për të dy klubet nga Los Angeles. Ai ishte kampion me Boston Celtics në vitin 2008, dhe me Lakers në vitin 2020.
Në epokën e tij të artë, ai ishte një lojtar i All-Star katër herë radhazi, ishte lojtari më i mirë i ligës për asistime tre herë, ishte në pesë lojtarët më të mirë mbrojtës dy herë dhe udhëhoqi ligën në ‘vjedhje’ të topave një herë. Si ‘playmaker’, ai realizoi 42 tre shifror të dyfishtë mbresëlënës dhe në fund mesatarja e tij në karrierë ishte 9.8 pikë, 7.9 asistime dhe 4.5 kërcime për lojë. Rikujtojmë, se së fundmi Rondo u arrestua për posedim të paligjshëm të armëve të zjarrit dhe të drogës.
