Pyetjes nëse një marrëdhënie është më e suksesshme nëse çifti ka diferencë të madhe në moshë, tani i japin përgjigje ekspertët. Gjatë historisë, ka qenë më zakonshme qetë që një burrë të ishte disa vjet më i madh se një grua, megjithëse situata e kundërt po bëhet gjithnjë e më e zakonshme kohët e fundit.
Sipas ‘Journal of Popular Economics’, një studim që mori në vështrim çifte heteroseksuale të moshave të ndryshme nxori disa gjetje interesante. Diferenca më ideale në moshë, ishte kur një burri ishte më i madh se gruaja me dy deri tre vjet. Kur ajo diferencë arriti në katër deri në gjashtë vjet, pati më pak kënaqësi në marrëdhënie, ndërsa numrat janë përkeqësuar duke u shtuar diferenca në moshë në shtatë vitet e fundit.
Edhe pse mosha nuk është faktori i vetëm në prishjen e çdo marrëdhënieje, ajo mund të kontribuojë në faktorët që e bëjnë marrëdhënien të vështirë. Ajo që është më e rëndësishme në një marrëdhënie kapërcen moshën.
Një partner më i ri priret të jetë më i pakënaqur sesa një partner më i vjetër, pavarësisht nga gjinia, sipas ‘Journal of Popular Economics’. Ajo që të tjerët mendojnë për marrëdhënien tuaj gjithashtu mund të luajë një rol. Çdo çift që përballet me shqyrtim dhe diskriminim duhet të punojë shumë më shumë për të krijuar një lidhje të fortë që i ndihmon ata ta përballojnë atë së bashku. Mike McNulty, PhD dhe ekspert marrëdhëniesh dhe psikologjie, këshillon:
Një marrëdhënie e shëndetshme kërkon pajtueshmëri, pjekuri emocionale dhe kompromis, të cilat mund të jenë më të rëndësishme se mosha e dikujt.
Rikujtojmë se, sipas qendrave kërkimore në Amerikë, në Universitetin Emory, mosha dhe diferenca që mund të kenë çiftet, mund të përcaktojë në një shkallë mjaft të besueshme përqindjet e suksesit që do të ketë raporti i tyre. Thënë kjo, sipas disa studiuesve, ekziston edhe një formulë e saktë matematikore që tregon se cili është ndryshimi ideal mes çifteve, me një provë prej 3000 pjesëmarrësish. Rezultatet treguan se sa më e madh të jetë diferenca e moshës, aq më pak qëndrojnë së bashku.
Është mjaft i madh numri i grave që duan ta shpenzojnë jetën me burra shumë më të mëdhenj në moshë sesa ato. Madje, ka edhe një term të veçantë që është krijuar për këtë lloj lidhje, romanca ‘Maj-Dhjetor’. Mund t’ju duket mjaft romantike, por shumë njerëz i shohin çuditshëm çiftet që dallojnë shumë në moshë. Kjo për shkak se ata nuk e kuptojnë që ka arsye shumë të mëdha se përse femrat joshen nga meshkujt e tillë. Zbulojini në këtë link…
